Օլիմպավանը՝ Պրոբասկետ Ա-Լիգայի բրոնզե մեդալակիր
Ուսումնամարզական հավաք
Ուսումնամարզական հավաք
Օլիմպավան սպորտային համալիրը Հայաստանի խոշորագույն մարզական կենտրոններից մեկն է, որտեղ ստեղծված են բոլոր պայմանները բարձր մակարդակի ուսումնամարզական հավաքներ կազմակերպելու և անցկացնելու համար։ Այստեղ մեկ վայրում համատեղված են մարզիկի լիարժեք պատրաստության համար անհրաժեշտ բոլոր բաղադրիչները՝ կեցություն, սնունդ, մարզումներ, վերականգնում և մասնագիտական աջակցություն։
Համալիրի ժամանակակից հյուրանոցային հատվածը հնարավորություն է տալիս հյուրընկալել ինչպես անհատ մարզիկների, այնպես էլ մարզական թիմերի և հավաքականների։ Մարզիկներին տրամադրվում է հավասարակշռված և մարզական ռեժիմին համապատասխան սնունդ, որը կազմվում է մասնագետների կողմից՝ հաշվի առնելով մարզումային ծանրաբեռնվածությունն ու օրգանիզմի պահանջները։
Օլիմպավանի գլխավոր առավելություններից մեկն այն է, որ ուսումնամարզական հավաքի ընթացքում մարզիկները մեկ համալիրի տարածքում կարող են օգտվել տարբեր մարզական ենթակառուցվածքներից։ Համալիրում գործում են ըմբշամարտի, ձյուդոյի, բռնցքամարտի, MMA-ի, ծանրամարտի, բասկետբոլի և ընդհանուր ֆիզիկական պատրաստության մարզասրահներ, ինչպես նաև միջազգային չափանիշներին համապատասխան լողավազան։ Բոլոր մարզադահլիճները կահավորված են ժամանակակից գույքով և նախատեսված են ինչպես սկսնակ, այնպես էլ բարձրակարգ մարզիկների պատրաստության համար։
Հավաքների ընթացքում մարզիկների հետ աշխատում են փորձառու և համապատասխան որակավորում ունեցող մասնագետներ, որոնք իրենց գիտելիքներով և մասնագիտական մոտեցմամբ նպաստում են մարզական արդյունքների բարձրացմանը։ Օլիմպավանը համագործակցում է տարբեր մարզական կառույցների, ֆեդերացիաների և մասնագետների հետ՝ ապահովելով մարզումային գործընթացի բարձր մակարդակ։
Տարիների ընթացքում Օլիմպավանը հյուրընկալել է Հայաստանի և արտերկրի բազմաթիվ մարզական պատվիրակությունների, ակումբների և հավաքական թիմերի։ Այստեղ են մարզվել և շարունակում են մարզվել Հայաստանի բազմաթիվ չեմպիոններ, միջազգային մրցաշարերի հաղթողներ և ազգային հավաքականների անդամներ, որոնց հաջողությունների ճանապարհի կարևոր հատվածը կապված է եղել Օլիմպավանի հետ։
Մարզումներից մինչև վերականգնում՝ յուրաքանչյուր մանրուք այստեղ կազմակերպված է այնպես, որպեսզի մարզիկը կարողանա ամբողջությամբ կենտրոնանալ իր պատրաստության, առաջընթացի և բարձր արդյունքների հասնելու վրա։
Օլիմպավանը՝ Երևանի Դավիթաշեն վարչական շրջանում գտնվող ժամանակակից սպորտային համալիր է, հիմնադրված 2013 թվականին՝ ՀԱՕԿ նախագահ Գագիկ Ծառուկյանի նախաձեռնությամբ։ Մոտ 7500 քմ տարածք զբաղեցնող մարզաբազան համապատասխանում է միջազգային չափանիշներին և ապա...
ԱվելինRecent Posts